«Візіту да неўрапатолага патрэбна чакаць цэлы месяц»

• 9.03.2024, 18:14

Як беларус паспрабаваў запісацца да лекара.

У рэдакцыю сайту Charter97.org напісаў жыхар Віцебску. Ён распавёў, што пакутуе ад боляў у спіне, а ў паліклініцы яму выдалі талон на наведванне неўрапатолага праз месяц. Ужо традыцыйна параілі скарыстацца платнай медыцынай.

«Прапаганда лукашыстаў трубіць пра «найлепшую ў свеце» бясплатную медыцыну. Але я, спраўны платнік падаткаў, гэтага не адчуваю. Мае знаёмыя пацвярджаюць, што самі рэгулярна сутыкаюцца з падобнымі сітуацыямі і гэта прыводзіць іх у роспач», – абураецца віцяблянін.