У Менску мінак разбіў камянямі некалькі аўтамабіляў

• 2.03.2024, 20:23

Толькі ў Алтайскім завулку былі пашкоджаны дзевяць аўтамабіляў.

Вечарам 1 сакавіка ў Алтайскім завулку (Паўночны пасёлак) Менска прахожы разбіў камянямі некалькі аўтамабіляў. Аб гэтым піша Onliner.

Інцыдэнт адбыўся 1 сакавіка паміж 19 і 20 гадзінамі ў Алтайскім завулку (Паўночны пасёлак). Гісторыяй з журналістамі падзяліўся жыхар завулка Аляксандр, які аказаўся выпадковым сведкам здарэння. З ягоных слоў, мужчына кідаў камяні і біў імі прыпаркаваныя на вуліцы аўтамабілі. Здарэнне патрапіла на камеры відэаназірання.

Як распавёў выданню Аляксандр, мужчыну дагналі і спынілі суседзі. Мясцовыя жыхары выклікалі міліцыю, пасля чаго парушальніка спакою забралі ў РУУС.

Толькі ў Алтайскім завулку былі пашкоджаны дзевяць аўтамабіляў, палічылі відавочцы. Таксама яны адзначылі, што мужчына быў з выгляду цвярозы і ахайна апрануты. Але па камунікацыі з ім людзі выказалі здагадку, што ён быў у неўсвядомленым стане. Толькі паспеў расказаць, што жыве на адной з суседніх вуліц.