Эрдаган абвясціў сябе пераможцам на выбарах у Турцыі і праспяваў песню

• 28.05.2023, 21:55

Афіцыйных вынікаў яшчэ няма.

Дзейны прэзідэнт Турцыі Рэджэп Эрдаган ужо абвясціў сябе пераможцам на выбарах, хаця афіцыйных вынікаў яшчэ няма, а таксама праспяваў песню перад прыхільнікамі. Трансляцыю прамовы вяла Aljazeera.

Эрдаган, звяртаючыся да сваіх прыхільнікаў у Стамбуле, падзякаваў "кожнаму чальцу нацыі, які зноў перадаў нам адказнасць за кіраванне Турцыяй на працягу наступных пяці гадоў".

"Мы закончылі другі тур прэзідэнцкіх выбараў з зычлівасцю нашага народа", - сказаў Эрдаган, выказаўшы падзяку туркам.

Падчас свайго выступу ён таксама наважыў праспяваць пераможную песню.

Ён назваў дзень другога туру выбараў "святам дэмакратыі" і сказаў, што "сёння перамагла Турцыя".