УСУ ўдарылі ракетамі ATACMS па аэрадроме ў Джанкоі

• 30.04.2024, 11:34

Яго ахапіў пажар.

Сёння ўночы, 30 красавіка, балістычныя ракеты (меркавана, MGM-140 ATACMS) зноў атакавалі вайсковы аэрадром «Джанкой» - месца дыслакацыі гелікаптэрнага палка 4-га камандавання ВПС і СПА Паўднёвай вайсковай акругі, паведамляюць крыніцы ASTRA ў МНС анэксаванага рэгіёну Украіны. У выніку атакі параненыя 5 вайскоўцаў.

Уначы чытачы Telegram-Канала таксама паведамлялі аб пажары на вайсковым аэрадроме ў Джанкоі. Аб шматлікіх выбухах жыхары пісалі і ў сацыяльных сетках. «Улады» анэксаванага рэгіёна ніяк гэта не каментавалі, а прадстаўнік акупацыйнага руху Рогаў заявіў, што СПА цалкам адбіла ракетную атаку.

Аэрадром ужо атакавалі ракеты 17 красавіка, тады пажар патрапіў на кадры мясцовых жыхароў.