Недалёка ад Масквы ўзарваўся невядомы беспілотнік

• 6.02.2023, 10:19

Расейскія СМІ пішуць пра "хлопОК".

У РФ паведамілі аб выбуху чарговага беспілотніка. Пры гэтым абставіны яго знішчэння не ўдакладнілі.

Інцыдэнт адбыўся ўночы 6 лютага ў Калужскай вобласці, як паведаміў губернатар рэгіёна Уладзіслаў Шапша ў сваім Telegram.

«У пяць раніцы 6 лютага недалёка ад Калугі на вышыні 50 метраў узарваўся беспілотнік», - напісаў ён.

Са звестак чыноўніка, ніякіх разбурэнняў на зямлі няма. Людзі ў выніку выбуху не пацярпелі.

Як адзначаюць расейскія СМІ, БПЛА ўзарваўся ў паветры над лесам непадалёк ад Калугі. Горад размешчаны ўсяго за 130 кіламетраў ад Масквы.

Раней сайт Charter97.org пісаў аб нападах беспілотнікаў на аэрадром у расейскім Энгельсе.