У Сочы з крыла самалёта падчас узлёту пачало выцякаць паліва

• 24.01.2023, 18:50

Няспраўнасць выпадкова заўважыў дыспетчар.

У аэрапорце Сочы з крыла самалёта «Уральскіх авіяліній» проста падчас узлёту пачало выцякаць паліва. Інцыдэнт здарыўся яшчэ 17 студзеня.

Так, тэлеграм-канал Baza паведаміў, што перад вылетам у Маскву, калі самалёт ужо выязджаў на ўзлётную паласу, з ягонага бака па крыле палілося паліва.

Гэта паспеў заўважыць дыспетчар і паведаміў пра праблему пілотам. Пасля гэтага самалёт адразу спынілі і адправілі на рамонт.