Украінскі памежнік збіў антыдронавай стрэльбай варожы беспілотнік
- 24.09.2022, 14:56
Разведгрупа знайшла прыземлены коптар.
З пачатку верасня памежнікі збілі 2 расейскія беспілотнікі. Адзін з іх быў збіты антыдронавай стрэльбай.
Пра гэта паведамляе РБК-Украіна са спасылкай на ДПСУ.
«На мяжы з краінай-агрэсарам баец збіў беспілотнік антыдронавай стрэльбай», - гаворыцца ў паведамленні.
Разведгрупа знайшла прыземлены коптар. Побач з ім ляжаў боепрыпас, які акупанты павінны былі скінуць на ўкраінскі пасёлак.