Як рэгіёны цягнуць уніз луканоміку

• 18.08.2022, 18:55

У Віцебскай вобласці ўпала вытворчасць у сельскай гаспадарцы, а ў Менскай - у прамысловасці.

У Беларусі ў ліпені паскорылася падзенне ВУП: за сем месяцаў гэты паказчык знізіўся на 5,2 адсоткі да аналагічнага перыяду мінулага года. Месяцаў раней падзенне было на ўзроўні 4,2%. «Зеркало» паглядзела, якія рэгіёны найбольш актыўна цягнуць уніз эканоміку.

Больш за ўсё ВУП упаў у студзені-ліпені ў Менскай вобласці - на 9,5% да аналагічнага перыяду мінулага года, паведамляе Белстат. У Гомельскай, Гарадзенскай абласцях і Менску гэты паказчык знізіўся на 4,6 адсотка, у Магілёўскай - на 4,4 адсотка, у Віцебскай - на 4,1 адсотак, а ў Берасцейскай - на 3,3 адсотка.

Менскую вобласць пацягнула ўніз прамысловасць, якая ўпала ў студзені-ліпені на 14,7 адсотка да аналагічнага перыяду мінулага года. У Віцебскай вобласці за гэты ж перыяд абвалілася вытворчасць у сельскай гаспадарцы - на 20,8%.

Сітуацыя ў раздробным гандлі найгоршая ў Менску, падзенне за сем месяцаў гэтага года склала 4,4%.

Нагадаем, на 2022 год быў запланаваны рост ВУП у 2,9% у дачыненні да 2021-га. Гэта прадугледжана прагнозам сацыяльна-эканамічнага развіцця краіны на гэты год. Аднак планы снаваліся летась да пачатку вайны ва Украіне і новымі санкцыямі супраць Менска з боку заходніх краін. Пры гэтым чыноўнікі яшчэ летась прагназавалі падзенне ВУП, нягледзячы на абвешчаныя прагнозы яго росту.

У Мінэканомікі раней заяўлялі, што скарачэнне эканомікі ў міністэрстве звязваюць з перабудовай экспартных паставак і зрушэннем тэрмінаў жніва на 8-9 дзён. Рэальны сектар, са звестак ведамства, працягвае адаптавацца да існых умоў, «што суправаджаецца «перакройваннем» дзелавых сувязяў і бізнэс-працэсаў».