У Менску ГУБАЗіК затрымаў маці спявачкі Рыты Дакоты

• 12.08.2022, 20:41

Сілавікі помсцяць ёй за песню дачкі “Уходи”, адрасаваную Лукашэнку.

Сілавікі затрымалі маці спявачкі Рыты Дакоты Святлану Герасімовіч. Інфармацыя пра затрыманне з'явілася ў набліжаным да сілавікоў тэлеграм-канале.

У праўладным тэлеграм-канале паведамлялася, што жанчына затрымана паводле падазрэння ва ўдзеле ў масавых беспарадках, падтрымцы ўкраінскіх уладаў і "кібербулінгу". У допісе таксама размясцілі паведамленні, якія затрыманая нібыта адпраўляла са свайго тэлефона і фатаграфію Святланы на фоне мурала з дыджэямі перамен.

Рыта Дакота - вядомая расейска-беларуская спявачка. У 2020 годзе яна падтрымала пратэсты і выпусціла песню “Уходи”, адрасаваную Лукашэнку.