Фанаты самага тытулаванага харвацкага клуба падтрымалі абаронцаў Марыупаля

• 9.05.2022, 16:06

Гэта ўжо не першы раз фанаты заграбскага «Дынама» падтрымліваюць Украіну.

Заўзятары заграбскага «Дынама» праявілі салідарнасць з украінскімі вайскоўцамі, якія абараняюць Марыупаль.

Падчас матчу чэмпіянату Харватыі з Асіекам (3:0) фанаты заграбскага клуба вывесілі банэр «Save Mariupol» з заклікам выратаваць украінскіх ваяроў і мірных жыхароў горада, паведамляе сайт nv.ua.

Гэта ўжо не першы раз фанаты заграбскага «Дынама» падтрымліваюць Украіну. У першыя дні вайны яны вывесілі на трыбунах банэр «Слава Украіне! Героям слава»!