Зяленскі падпісаў закон аб забароне прарасейскіх палітычных партый

• 14.05.2022, 20:54

Закон уваходзіць у дзеянне з дня, які ідзе за днём яго апублікавання.

Прэзідэнт Украіны Уладзімір Зяленскі падпісаў закон аб забароне прарасейскіх палітычных партый у краіне, паведаміла прадстаўніца Вярхоўнай Рады ў Канстытуцыйным судзе Украіны Вольга Саўгіра.

Закон уваходзіць у дзеянне з дня, які ідзе за днём яго апублікавання.

Сярод іншага, законам забараняецца супрацоўніцтва палітычнай партыі, накіраванай супраць незалежнасці, суверэнітэту і тэрытарыяльнай цэласнасці Украіны, з палітычнымі партыямі, грамадскімі арганізацыямі дзяржавы-агрэсара або дзяржавы-акупанта і ўнесенымі ў Пералік палітычных партый і грамадскіх арганізацый - нерэзідэнтаў Украіны, якія ствараюць пагрозу нацыянальнай бяспецы Украіны, зацверджаны загадам СБУ і апублікаваны на яе афіцыйным вэб-сайце.