У Чорным моры недалёка ад Крыма загарэлася судна з расейскім экіпажам
- 23.01.2022, 11:55
Прычыны пажару пакуль невядомыя.
У ноч на нядзелю, 23 студзеня, у Чорным моры недалёка ад акупаванага РФ Крыма загарэлася судна з расейскім экіпажам.
Як паведамляе ТАСС, гаворка ідзе пра танкер Almuntazah пад сцягам Каморскіх выспаў з 700 тонамі мазуту на борце.
Экіпаж судна складаецца з сямі грамадзян Расеі.
«Экіпаж цяпер зняты буксірам. Інфармацыя аб пацярпелых не паступала», - гаворыцца ў паведамленні.
Прычыны пажару пакуль невядомыя.