Мужчына згарэў на пажары ў Магілёве

• 21.01.2022, 21:54

Папярэдняя прычына пажару - неасцярожнасць з агнём пры курэнні.

21 студзеня ў адным з дамоў на вуліцы Крупскай у Магілёве загарэлася кватэра. Падчас тушэння пажару ратавальнікі знайшлі ў пакоі цела мужчыны.

Дома знаходзілася 71-гадовая сужыцелька загінулага, якой аказалі першую медыцынскую дапамогу. Як паведамляе тэлеграм-канал Следчага камітэта Беларусі, жыццю жанчыны нічога не пагражае.

У гэты момант следчыя і спецыялісты УГКСЭ Магілёўскай вобласці праводзяць агляд месца здарэння, а таксама апытваюць суседзяў і сваякоў згарэлага мужчыны. Па факце здарэння будуць прызначаны пажарна-тэхнічная і судова-медыцынская экспэртыза.

Папярэдняя прычына пажару - неасцярожнасць з агнём пры курэнні.

Усе акалічнасці высвятляюцца.