У Аўстрыі электрамабілі і «гібрыды» ўпершыню склалі большасць сярод новых аўто

• 9.09.2021, 19:08

Краіна паступова адмаўляецца ад аўто на бензіне і дызелі.

У жніўні 2021 доля новых зарэгістраваных у Аўстрыі электрамабіляў і «гібрыдных» аўтамабіляў упершыню была большай, чым асобна ўзятых аўтамабіляў на бензіне і дызельным паліве.

Як паведамляе «Европейская правда» са спасылкай на DPA, пра гэта сведчаць звесткі статыстычнага ведамства, апублікаваныя 9 верасня.

Агульная доля электрамабіляў і гібрыдаў сярод зарэгістраваных транспартных сродкаў склала 42,2%. Аўтамабілі, якія выкарыстоўваюць у якасці паліва бензін, склалі 35,1% і аўтамабілі на дызелі - 22,7%.

Доля новых транспартных сродкаў на альтэрнатыўных крыніцах за апошні год вырасла больш чым удвая.

Акрамя таго, назіраецца тэндэнцыя да зніжэння колькасці новых аўтаўладальнікаў. У жніўні 2021 года колькасць зарэгістраваных аўтамабіляў была на 15% меншая, чым у жніўні 2020 года.