У Швецыі распрацоўваюць пасажырскі электрасамалёт
- 19.07.2021, 21:10
Яго будуць выкарыстоўваць для кароткіх падарожжаў.
Кампанія Швецыі Heart Aerospace плануе распрацаваць электрычны самалёт да 2023 года. ES-19 будзе выкарыстоўвацца падчас непрацяглых пералётаў дзякуючы запасу ходу да 400 км.
Пра гэта піша РБК-Украина са спасылкай на New Atlas.
Цяпер вядома, што самалёт будзе разлічаны на 19 пасажыраў. Сярод асаблівасцяў электратранспарту можна адзначыць:
Запас ходу складзе 400 кіламетраў, зрэшты Heart Aerospace плануе павялічыць яго праз некаторы час пасля завяршэння распрацоўкі;
Электрычны рухавік у 20 разоў таннейшы за традыцыйны рухавік самалёта, а выдаткі на яго ўтрыманне ў 100 разоў ніжэйшыя;
Узлётна-пасадачная паласа складзе да 750 метраў;
Heart Aerospace адзначае, што ES-19 будзе выкарыстоўвацца для рэйсаў над горнай мясцовасцю, або паміж выспамі якія размешчаны блізка адна да аднае.
Цяпер стартап плануе завяршыць распрацоўку праекта да 2023, а першы палёт запланаваны на першы квартал 2024 года. Ужо ў 2026 годзе электрасамалёт, магчыма, атрымае сертыфікацыю і зможа ўступіць у эксплуатацыю.