Цягнік з Лукашэнкам нясецца пад адхон

• ТЭЛЕГРАМ-КАНАЛ «НІК І МАЙК»
• 17.06.2021, 7:55

Пуцін не стаў дэманстратыўна абараняць "саюзніка".

Найбліжэйшым часам будуць адбывацца падзеі, якія пакажуць, ці дамовіліся Байдэн і Пуцін аб праблеме рэжыму Лукашэнкі. Кожны дзень зацягвання падвышае кошт падтрымкі ўзурпатара для Крамля.

І для дыктатара будуць сюрпрызы. Можна далей гуляць у недаробленых салдацікаў і нават прыставіць да кожнага кіраўніку раёна расстрэльную каманду, але гэта цягнік, які нясецца пад адхон.

Нават зважаючы на «каштоўнасць беларускага кантрабанднага хаба» для Крамля, гэта будзе занадта дарагая гісторыя. Беларускіх «паспяховых бізнэсоўцаў», гэта значыць кантрабандыстаў, самым бліжэйшым часам чакаюць сюрпрызы, якія зробяць іх супертаксічнымі нават для гэтага спецыфічнага «бізнэсу».

Пуцін не стаў дэманстратыўна абараняць "саюзніка". У гэтым і ёсць адказ. Раней такое было недапушчальна.

Час паскорыўся. Цік-так.

Тэлеграм-канал «Нік і Майк»