Аўтарка кнігі пра карупцыю ў Расеі распавяла пра мянушку Пуціна

• 10.05.2021, 11:00

Топ-кіраўнікі РФ выкарыстоўвалі пры абмеркаванні бізнэсу псеўданімы.

У пачатку траўня выданне Finanсial Times паведаміла, што расейскія мільярдэры падалі пазовы ў Лонданскі суд на Кэтрын Белтон, аўтарку кнігі «Людзі Пуціна: як КДБ вярнуў сабе Расею і заваёўвае Захад». Сярод пазоўнікаў Міхаіл Фрыдман, Пётр Авен, Раман Абрамовіч, Шалва Чыгірынскі і карпарацыя Раснафта (гэта не калектыўны пазоў), піша liga.net.

Адзін з інсайдэраў Белтон, распавёў характэрную дэталь, што топ-кіраўнікі РФ выкарыстоўвалі пры абмеркаванні бізнэсу псеўданімы. «Нікнэйм» Пуціна - «Міхаіл Іванавіч», Кавальчука - «Касой», Мілера - «Салдат», Цімчанка - «Гангрэна».