Найбуйнейшая фракцыя Еўрапарламента папярэдзіла РФ пра наступствы ў выпадку ўжывання сілы

• 12.04.2021, 21:34

Еўрапейская народная партыя выступіла з заявай.

Краіны Еўразвязу павінны быць гатовыя ўвесці новыя санкцыі супраць Расеі праз агрэсію супраць Украіны. Пра гэта гаворыцца ў заяве Еўрапейскай народнай партыі, апублікаванай у Twitter 12 красавіка.

"Мы павінны сказаць гэта гучна і ясна: рукі прэч ад Украіны, спадар [прэзідэнт РФ Уладзімір] Пуцін. Любое ўжыванне сілы будзе мець наступствы. Дзяржавы-чальцы [ЕЗ] павінны быць гатовыя ўвесці новыя санкцыі, каб спыніць Маскву", – заявілі ў ЕНП.