Фільм NEXTA пра Лукашэнку набраў мільён праглядаў менш, чым за дзень

• 9.03.2021, 9:16

Расследаванне распавядае пра маштабы незаконнага ўзбагачэння дыктатара.

Прэм'ера новага фільма «Лукашэнка. Залатое дно» апублікаваная на ютуб-канале Сцяпана Пуцілы (NEXTA) 8 сакавіка а 18 гадзін. Да наступнай раніцы відэа набрала больш за мільён праглядаў.

Пераважна змест фільма - гэта кампіляцыя фактаў, раней вядомых палітызаванай аўдыторыі. Але для людзей, якія сталі цікавіцца сітуацыяй у Беларусі толькі апошнім часам, гэтая інфармацыя будзе пазнавальнай.