Заўтра ў Беларусі чакаецца да +7 градусаў

• 1.12.2021, 18:49

У чацвер будзе хмарна з прасвятленнем.

Халепа і слізгота чакаюцца ў Беларусі 2 снежня, паведамілі ў Цэнтры гідраметэаралогіі, кантролю радыеактыўнага забруджвання і маніторынгу навакольнага асяроддзя Міністэрства прыроды.

У чацвер будзе хмарна з прасвятленнем. На большай частцы тэрыторыі краіны пройдуць ападкі (снег, халепа, дождж). Месцам чакаюцца абліваха, слабы туман. На асобных адцінках дарог слізгота. Вецер паўднёвы, паўднёва-заходні 5-10 м/с, парыванні да 14 м/с, удзень месцам парыванні да 15-18 м/с.

Тэмпература паветра ўночы складзе 2-8 градусаў марозу, на паўднёвым захадзе - ад мінус 1 да плюс 1. Удзень будзе 1-7 градусаў цяпла.