У Фінляндыі вырасцілі каву ў прабірцы

• 22.10.2021, 21:28

Штучная кава практычна не адрозніваецца на смак і водар ад звычайнай.

Фінскія даследнікі з Цэнтра тэхнічных даследаванняў (VTT) стварылі тэхналогію, якая дазваляе вырошчваць каву ў лабараторыі. Штучная кава практычна не адрозніваецца на смак і водар ад звычайнай, піша «Еўра пульс».

Клеткі кававага дрэва ў лабараторыі ператвараюць у біямасу, якую можна абсмажыць і заварыць як звычайную каву.

Новая тэхналогія дапаможа зрабіць вытворчасць кавы больш экалагічнай, бо часта для пасадкі кававых дрэваў высякаюць суцэльны лес, а для вырошчвання дрэваў выкарыстоўваюць шкодныя ўгнаенні.

Сёлета, выкарыстоўваючы падобную тэхналогію, французскія навукоўцы змаглі вырасціць у лабараторыі фуа-гра.