Відэафакт: ва УСУ паказалі баявых робатаў

• 5.06.2020, 16:42

Баявыя самаходныя комплексы аснашчаныя кулямётамі.

Украінскія вайскоўцы на Данбасе выкарыстоўваюць ўзоры рабатызаванай тэхнікі. Відэа выкарыстання баявых робатаў паказала выданне «Радыё Свабода», паведамляе korrespondent.net.

На адным з участкаў выкарыстоўвалі баявы самаходны комплекс «Паляўнічы», абсталяваны кулямётам.

Комплекс запатрабаваны для розных задач у войсках. Напрыклад, для эвакуацыі параненых з поля бою, транспартавання баявых прыладаў і іншага.

Акрамя таго, комплекс бясшумны, не пакідае цеплавога следу і выкарыстоўвае штучны інтэлект для распазнання перашкод.