Кошт нафты Brent апусціўся ніжэй за $56

• 25.02.2020, 19:21

Апошнім разам кошт нафты знаходзіўся ніжэй за $56 за барэль 13 лютага.

Кошт ф'ючэрса нафты маркі Brent з пастаўкай у красавіку 2020 года на біржы ICE ў Лондане знізіўся на 4,38% - да $55,62 за барэль, сведчаць звесткі таргоў на 19:15 паводле Менску.

Цэны зніжаюцца на асцярогах распаўсюджвання каронавіруса за межамі Кітая, у першую чаргу ў Еўропе. На думку экспэртаў, паніка, якая пачалася ў Італіі, можа захапіць суседнія краіны, што яшчэ больш націсне на каціроўкі «чорнага золата».