Турэцкае войска пачало аперацыю супраць рэжыму Асада ў Ідлібе

• 20.02.2020, 15:07

Яны дзейнічаюць разам з сірыйскай апазіцыяй.

Турэцкае войска пачало вайсковую аперацыю супраць рэжыму сірыйскага прэзідэнта Башара Асада ў правінцыі Ідліб.

Пра гэта ў Twitter паведаміў журналіст Bild Юльян Рэпке, піша «Еўрапейская праўда».

«Турэцкае войска пачынае ваенныя дзеянні супраць рэжыму Асада ў правінцыі Ідліб. (Танкі) М60 накіроўваюцца ў Найраба, спецназ накіроўваецца да лініі фронту. Артылерыя працуе супраць рэжыму. Самалёты рэжыму і Расеі прадаўжаюць атакаваць найбліжэйшыя гарады», - напісаў Рэпке.

Гэтую інфармацыю пасля пацвердзілі CNN Turk і іншыя турэцкія СМІ. Адзначаецца, што турэцкія войскі дзейнічаюць разам з сірыйскай апазіцыяй.