Беларусы ў сацсетках высмейваюць «Табакеркі»

• 19.02.2020, 15:31

Людзі бурна адрэагавалі на навіну пра тое, што ў гэтых шапіках будуць прадаваць квіткі на праезд.

Пасля навіны пра тое, што шапікі «Мінсктрансу» заменяць «Табакеркі» і там прадавацьмуць квіткі на праезд, людзі сталі жартаваць у сацсетках, піша tut.by. А як вы думаеце, што яшчэ можна было б прадаваць у такіх шапіках?

Нагадаем, на днях кіраўніцтва філіяла «Мінсктрансу» заявіла, што сетка іх кіёскаў паменшыцца. Да канца года застанецца блізу 25 месцаў продажу, з іх 10 кас «Мінсктрансу» - у падземных пераходах станцый метро.

Талоны на праезд у грамадскім транспарце ўжо ёсць у «Табакерках». Прапрацоўваецца пытанне, каб там не толькі прадавалі разавыя квіткі, але і папаўнялі праязныя БСК.

У сацсетках людзі бурна адрэагавалі на гэтую навіну і сталі жартаваць аб найлепшых месцах для «Табакерак» і пра тое, што там трэба прадаваць.