Грэнландыя прадавацьме ваду з расталых леднікоў

• 18.02.2020, 15:50

З'яўленню ідэі спрыяла глабальнае пацяпленне.

Грэнландыя збіраецца прадаваць адталую ваду камерцыйным кампаніям. Пра гэта распавёў міністр прамысловасці і энэргетыкі аўтаноміі Джэс Свейн, піша «Гордон».

На гэты момант ліцэнзій на экспарт адталай вады атрымалі дзевяць праектаў. У першую чаргу ўлады арыентуюцца на камерцыйныя кампаніі.

Джэс Свейн адзначыў, што змяненне клімату спрыяе раставанню лёду. Але гэта таксама прыводзіць да павелічэння дэфіцыту вады ў свеце. З яго слоў, адталая вада была ў Грэнландыі ў вялікай колькасці цягам тысячагоддзяў, так што цяпер плануецца зрабіць з яе прадукт, які карыстаецца попытам на рынку.

Грэнландыя - найбуйнейшы востраў на Зямлі. З'яўляецца адміністрацыйнай аўтаномнай адзінкай Даніі. Насельніцтва Грэнландыі - блізу 58 тысяч чалавек, 90% з іх - грэнландскія эскімосы. 80% тэрыторыі вострава пакрытыя лёдам.