У Польшчы рэзка скарацілася колькасць выпадкаў заражэння COVID-19

• 30.11.2020, 14:08

Зафіксаваны найменшы паказнік з кастрычніка.

Як стала вядома сайту Charter97.org, Міністэрства аховы здароўя Польшчы пацвердзіла ў панядзелак 5733 новыя выпадкі каранавіруснай інфекцыі. Паведамляецца таксама пра 121 чалавека, які памёр ад COVID-19. У агульнай колькасці інфекцыя была выяўленая больш чым у 990 000 чалавек з пачатку эпідэміі. За апошнія 24 гадзіны было выканана 25 000 тэстаў на каранавірус.

Большасць інфекцый SARS-CoV-2, зарэгістраваных у панядзелак, адносяцца да Мазавецкага ваяводства, дзе было зарэгістравана 659 інфекцый.

Адзначым, што гэта найменшы паказнік заражэнняў з кастрычніка.