Колькі заражаных каранавірусам у Літве?

• 20.10.2020, 17:44

У гэты момант у балтыйскай краіне хварэюць 4 497 чалавек.

Як паведамляе сайт Charter97.org са спасылкай на літоўскае Міністэрства аховы здароўя, у балтыйскай краіне зафіксаваныя 202 новыя выпадкі захворвання на COVID-19. Усяго ў краіне каранавірус пацверджаны ў 7 928 чалавек.

За дзень ад каранавіруса памерлі пяць чалавек.

Усяго з пачатку пандэміі каранавірусная інфекцыя забрала жыцці 118 чалавек, яшчэ 37 хворых памерлі з іншых прычын.

У гэты момант хварэюць 4 497 чалавек, ачунялі 3 276 хворых. У ізаляцыі знаходзяцца 31 946 чалавек.

З 1 чэрвеня ў Літве зарэгістраваныя 358 прывазных выпадкаў.