Дзяўчаты з Бостана запісалі моцнае відэа ў падтрымку Беларусі

• 20.10.2020, 11:22

Перфоманс прайшоў у парку-музеі Дэ-Кордава.

Беларускія дзяўчаты Бостана арганізавалі перфоманс у парку-музеі Дэ-Кордава і знялі відэа ў падтрымку жанчын Беларусі, паведамляе тэлеграм-канал «Баста!».

«Дзяўчаты ў белым сталі сапраўдным сімвалам пратэсту, антаганізмам зла і несправядлівасці, якую ўвасабляе рэжым», - распавядаюць арганізатары акцыі. - «Гэтым відэа мы хацелі паказаць, што беларусы замежжа звязаны з Беларуссю, нават калі знаходзяцца за тысячы кіламетраў ад дома, і што падзеі гэтага лета запусцілі ланцуговую рэакцыю, якую ўжо не спыніць. Мы захапляемся сілай беларускіх жанчын і верым, што дабро пераможа».

Аўтары ідэі і відэа: Maks Yermachonak, Darya Belavusava, Irina Karelina, Tatiana Polyanichko.