Лондан перастаў быць фінансавым цэнтрам свету

• 27.01.2020, 21:48

Прычына - Brexit.

Лондан страціў статус галоўнага фінансавага цэнтра свету, сведчаць вынікі даследавання кансалтынгавай кампаніі Duff&Phelps Global Regulatory Outlook, паведамляе liga.net.

Большасць апытаных прадстаўнікоў фінансавага сектара (56%) назвалі фінансавым цэнтрам Нью-Ёрк.

Доля тых, хто ўважае фінансавай сталіцай свету Лондан, абрынулася на 20 працэнтных пункта і склала 36%. Усяго 22% рэспандэнтаў уважаюць, што Лондан застанецца найбуйнейшым фінансавым цэнтрам у плыні найбліжэйшых пяці гадоў.

Прычынай гэтага даследчыкі называюць Brexit і звязаную з ім нявызначанасць, якая ўплывала на Вялікабрытанію тры гады з моманту рэферэндуму.

Аналітыкі прагназуюць, што неўзабаве лідарства ад Нью-Ёрка пяройдзе да мегаполіса Азіі - Ганконга, Шанхая і Сінгапура.

У даследаванні ўдзельнічалі 245 топ-мэнэджараў з сферы кіравання актывамі, банкаўскіх і іншых фінансавых кампаній свету.