Украінцы распавялі, якім бачаць патрыятызм

• 21.01.2020, 14:47

У розных рэгіёнах краіны людзі называюць розныя прыкметы патрыятызму.

За асноўныя складнікі патрыятызму ўкраінцы ўважаюць перш за ўсё любоў да сваёй краіны (80%), гатоўнасць абараняць сваю краіну, калі трэба - са зброяй (64%), выхаванне ў дзяцей любові і павагі да сваёй краіны (58%).

Як паведамляе карэспандэнт unian.net, пра гэта сведчаць вынікі апытання Фонду «Дэмакратычныя ініцыятывы» ім. Ілька Кучарыва і Цэнтра Разумкова, прадстаўленых на прэс-канферэнцыі на тэму: «101-я гадавіна Саборнасці Украіны: што больш за ўсё аб'ядноўвае і раз'ядноўвае украінцаў». Таксама ўдзельнікі сацыялагічнага даследавання адзначылі такія асноўныя чыннікі патрыятызму, як захаванне ўсіх законаў краіны (56%), веданне гісторыі сваёй краіны і яе культуры (51%).

«Крыху менш грамадзяне адносяць да патрыятызму ўдзел у выбарах (38%), сумленнае выкананне сваіх абавязкаў (36%), размовы на дзяржаўнай мове (35%), выплату падаткаў (30%), удзел у грамадскім жыцці (28%), павагу да ўлады (26%), а менш за ўсё - удзел у барацьбе з карупцыяй і іншымі недахопамі ў дзяржаве (21%)», - гаворыцца ў выніках апытання.

Сярод рэгіянальных адрозненняў аўтары даследавання адзначаюць Заходні рэгіён, дзе да прыярытэтаў патрыятызму былі аднесеныя дзяржаўная мова (60%). Затое ў іншых рэгіёнах гэты складнік меў у грамадскай думцы меншую значнасць (32% - у Цэнтральным рэгіёне, 25% - у Паўднёвым і 24% - ва Усходнім). Затое такі складнік, як павага да ўлады, значна больш адносяць да патрыятызму ва Усходнім рэгіёне (42%), чым у астатніх (28% - у Паўднёвым, 20% - у Цэнтральным і 16% - у Заходнім), канстатуюць сацыёлагі. Гэтак жа рэгіянальна адрозніваецца прызнанне значнасці для патрыятызму выплаты падаткаў: 41% - ва Усходнім рэгіёне, 36% - у Паўднёвым, 25% - у Цэнтральным і 24% - Заходнім.