Заўтра ў Беларусі +28

• 10.08.2019, 12:21

Лета прадаўжаецца.

У Беларусі 11 жніўня чакаецца воблачнае з прасвятленнямі надвор'е, у асобных раёнах прагрымяць навальніцы, паведамілі ў Рэспубліканскім цэнтры гідраметэаралогіі, кантролю радыеактыўнага забруджвання і маніторынгу навакольнага асяроддзя Мінпрыроды.

У нядзелю ўначы месцамі, раніцай і ўдзень пераважна па ўсходняй палове краіны пройдуць кароткачасовыя дажджы.

У начныя і ранішнія гадзіны месцамі прагназуецца слабы туман. Вецер паўднёвы з пераходам на заходні, сярэдні, падчас навальніцаў парывісты.

Тэмпература паветра ўначы складзе 11-17 градусаў цяпла, на паўднёвым захадзе - да плюс 19.

Удзень паветра прагрэецца да 22-28 градусаў.