Вікторыя Азаранка паднялася адразу на сем радкоў у рэйтынгу WTA

• 8.04.2019, 11:03

Беларуская тэнісістка палепшыла становішча ў рэйтынгу дзякуючы паспяховаму выступу ў Мантэрэі.

Па выніках турніраў у Чарлстона і Монтэрэі Эліна Світоліна выперадзіла Кікі Бэртэнс, не абараніўшы тытул у ЗША, і стала шостай ракеткай свету, піша «Трыбуна».

Чэмпіёнка Чарлстана Мэдысан Кіз паднялася на чатыры радкі і вярнулася ў топ-15, фіналістка Каралін Вазняцкі стала 12-й.

Гарбін Мугуруса ў Мантэрэі абараніла тытул, таму засталася 19-й, а фіналістка Вікторыя Азаранка паднялася на сем радкоў і стала 60-й.