На Дзень закаханых у Беларусі будзе да +5

• 13.02.2019, 21:34

14 лютага ў Беларусі будзе воблачнае з праясненнямі надвор'е.

Пра гэта паведамляе Белгідрамет.

Уначы на большай частцы тэрыторыі пройдзе снег, мокры снег. Удзень месцамі на ўсходзе краіны чакаюцца невялікія ападкі ў выглядзе мокрага снегу і дажджу.

У асобных раёнах краіны прагназуюцца слабыя туман і галалёд, на дарогах месцамі галалёдзіца. Вецер будзе паўночна-заходні ўмераны, уначы парывісты.

Уначы будзе ад 5 градусаў марозу да 1 цяпла, удзень чакаецца 0... +5.