Відэафакт: У Расеі чыноўніца матам прапанавала моладзі старанна працаваць

• 7.12.2019, 10:58

Інцыдэнт адбыўся ў Ленінградскай вобласці.

Кіраўніца аддзела моладзевай палітыкі адміністрацыі Сасновага бору Ленінградскай вобласці РФ Аляксандра Пазнякова на форуме "Доброволец.ЛО" сказала ўдзельнікам, што ім давядзецца "*******" [старанна працаваць], каб чагосьці дамагчыся, паведамляе Север.Реалии.

Відэа выступу апублікаваў тэлеграм-канал "Таямніцы Ленінградскага двара".

"Ніхто, акрамя вас, рабіць нічога не будзе. Усім усё роўна. Гэта адносіцца і да кіраўнікоў, і да добраахвотнікаў, калі вы не будзеце рэальна, папрашу за маю цэнзуру, *******, то іншага..." – сказала Пазнякова. Яна не змагла скончыць фразу, таму што ў зале загулі.

Пазнякова не адказала на пытанні Север.Реалии.