Менчукоў запрашаюць на Сустрэчу свабодных людзей

• 12.11.2019, 12:14

Яна пачнецца 15 лістапада а 18.00 гадзіне на Кастрычніцкай плошчы.

Перадвыбарчыя пікеты «Еўрапейскай Беларусі» праходзяць у цэнтры сталіцы і ў спальных раёнах. Актывісты распаўсюджваюць буклеты з інфармацыяй пра кандыдатаў у дэпутаты ад грамадзянскай кампаніі, а таксама запрашаюць менчукоў на Сустрэчу свабодных людзей 15 лістапада, паведамляе прэс-служба грамадзянскай кампаніі «Еўрапейская Беларусь».

Пікеты грамадзянскай кампаніі «Еўрапейская Беларусь» можна знайсці па сцягах з «Пагоняй» і сімволіцы ЕЗ.

Нагадаем, 15 лістапада ў Менску пройдзе Сустрэча свабодных людзей. Пачатак – а 18.00 на Кастрычніцкай плошчы.