У Астравецкім раёне ўрачыста адкрылі...прыпынак

• 16.10.2019, 18:22

З перарэзваннем чырвонай стужачкі і гледачамі.

У Астравецкім раёне ў аграгарадку Варнянах урачыста адкрылі аўтобусны прыпынак. Усё як належыць: з гледачамі, прадстаўнікамі мясцовай улады і перарэзваннем чырвонай стужачкі. Прыпынак супольна пабудавалі пажарныя, дарожнікі і «Чырвоны крыж», паведамляе «Астравецкая праўда».

На адкрыцці аўтобуснага прыпынку прысутнічалі начальнік раённага аддзела надзвычайных сітуацый Віталь Рыбак і старшыня раённага Савета «дэпутатаў» Ірына Тальчук - менавіта яны ўрачыста перарэзалі чырвоную стужку, - а таксама мясцовыя жыхары і школьнікі.

Акрамя раскладу, тут можна пачытаць правілы бяспечных паводзін у розных жыццёвых сітуацыях.