Відэафакт: Boeing правёў першыя выпрабаванні беспілотнага аэратаксі
- 23.01.2019, 20:09
Першае аэратаксі ад Boeing паспяхова прайшло выпрабаванні.
Карпарацыя Boeing паспяхова выпрабавала прататып самакіравальнага аэратаксі Boeing NeXt, паведамілі ў блогу кампаніі.
Аэратаксі змагло здзейсніць вертыкальны ўзлёт, завіснуць у паветры і паспяхова прызямліцца. На наступным этапе выпрабаванняў кампанія правядзе паўнавартасны палёт, паведамляе liga.net.
Boeing NeXt працуе на электрычнасці. Ён можа аўтаномна праляцець білзу 80 км. Даўжыня машыны складае блізу 9 м, шырыня - 8,5 м. Сістэма крылаў дазволіць прыладзе лётаць вертыкальна і гарызантальна. Але яе яшчэ трэба будзе пратэставаць.