Экс-прэзідэнта Сальвадора за адмыванне і прамантачванне $300 мільёнаў пасадзілі на 10 гадоў

• 13.09.2018, 11:52

Антоніё Сака таксама павінен будзе кампенсаваць шкоду на $260 мільёнаў.

У сераду, 12 верасня, суд Сальвадора прысудзіў былога прэзідэнта краіны Антоніё Саку да 10 гадоў пазбаўлення волі.

Як паведамляе «Новы час» са спасылкай на Reuters, яго прызналі вінаватым у прамантачванні і адмыванні больш за $300 млн бюджэтных сродкаў.

Былы прэзідэнт таксама павінен будзе кампенсаваць шкоду на $260 млн.

Сам 53-гадовы Саку дзеля змякчэння пакарання сваю віну цалкам прызнаў.

Акрамя экс-прэзідэнта ў справе аб прамантачванні і адмыванні праходзілі яшчэ шэсць былых чыноўнікаў ягонага ўрада, якія былі прысуджаныя да турэмных тэрмінаў ад 3 да 16 гадоў.

Антоніё Сака займаў пасаду прэзідэнта з 2004 да 2009 год.