Gazeta Polska: На Nord Stream 2 запрацуюць толькі сябры Пуціна

• 19.06.2018, 21:01

Расейскі Ашчадбанк апублікаваў справаздачу, якая ставіць пад сумнеў рэнтабельнасць стратэгічных праектаў «Газпрама».

Gazeta Polska піша пра тое, што расейскі Ашчадбанк апублікаваў на сваім інтэрнэт-партале справаздачу, якая не спадабалася ўладам у Крамлі. Яна ставіць пад сумнеў рэнтабельнасць стратэгічных праектаў «Газпрама». У справаздачы, між іншым, гаворыцца, што на будаўніцтве Nord Stream 2 запрацуюць, галоўным чынам, падрадчыкі, а гэта, перш за ўсё, - што з'яўляецца сакрэтам палішынеля - сябра прэзідэнта Уладзіміра Пуціна, паведамляе «Радио Польша».

Выданне адзначае, што дакумент хутка знік з партала Ашчадбанка, а адказны за яго падрыхтоўку работнік і адзін з аўтараў Алекс Фак страціў працу. Звольнілі таксама яго начальніка, а Герман Грэф, кіраўнік Ашчадбанка, вымушаны быў тэлефанаваць і прасіць прабачэння ў Генадзя Цімчанкі, аднаго з удзельнікаў кантракту Nord Stream 2 і сябра Пуціна.

Gazeta Polska прыводзіць таксама словы Джона Хербста, публіцыста выдання The National Interest пра тое, што санкцыі ЗША супраць Расеі і розніца ў меркаваннях унутры ЕЗ у пытанні Nord Stream 2 спрыяюць таму, што інвестыцыя «Газпрама» становіцца больш малаверагоднай, чым калі-небудзь.