У Польшчы заробкі дэпутатаў і чыноўнікаў паменшаць на 20%

• 18.05.2018, 14:08

У дзеянне ўваходзіць адпаведны закон.

У Польшчы аклады чыноўнікаў органаў мясцовага самакіравання (у тым ліку войтаў, мэраў гарадоў і іх намеснікаў) знізяцца на 20%. 19 траўня ў дзеянне ўвойдзе загад ўрада, які рэгулюе гэтае пытанне, паведамляе «Радыё Польшча».

Загад увойдзе ў дзеянне ў рамках прынятага Соймам абноўленага закона аб працы дэпутатаў і сенатараў, які таксама прадугледжвае зніжэнне акладаў парламентарыяў на 20%.