Каля рэзідэнцыі караля Саудаўскай Арабіі адбыліся страляніна і выбухі
- 22.04.2018, 10:40
Кароль быў эвакуіраваны.
У раёне рэзідэнцыі караля Саудаўскай Арабіі Салмана ібн Абдул-Азіз Аль Сауда ў Эл-Рыядзе быў зафіксаваны абстрэл і выбухі, піша Jerusalem Post са спасылкай на паведамленні ў Twitter.
Jerusalem Post сцвярджае, што ў сацыяльных сетках публікуюць фатаграфіі і відэазапісы таго, што адбываецца. Ёсць інфармацыя, што стральба адбылася праз спробу дзяржаўнага перавароту. Паведамляецца, што кароль быў эвакуіраваны.
Выданне адзначае, што пакуль не можа пацвердзіць дакладнасць гэтых паведамленняў.