Сіноптыкі: Заўтра будзе да +18 градусаў

• 17.04.2018, 12:11

У сераду чакаюцца навальніцы.

У Беларусі 18 красавіка будзе воблачна з праясненнямі. Пераважна па ўсходняй палове краіны пройдуць кароткачасовыя дажджы, у асобных раёнах навальніцы, паведамілі БелТА ў Рэспубліканскім цэнтры гідраметэаралогіі, кантролю радыеактыўнага забруджвання і маніторынгу навакольнага асяроддзя Мінпрыроды.

Вецер будзе паўночна-заходні парывісты. Тэмпература паветра ўначы і ў ранішнія гадзіны складзе 4–10 градусаў вышэй за нуль. У другой палове дня павысіцца да 10–16, у паўднёвых раёнах – да 18 градусаў.