Трамп абмежаваў выдаванне прытулку нелегалам

• 9.11.2018, 18:19

Нелегальных мігрантаў будуць адпраўляць ва ўстаноўленыя пункты пропуску.

Прэзідэнт ЗША Дональд Трамп заявіў у пятніцу, што падпісаў указ, згодна з якім Міністэрства юстыцыі і Міністэрства ўнутранай бяспекі ЗША будуць адмаўляць у разглядзе просьбаў аб прытулку асобам, якія перасякаюць амерыканскую мяжу нелегальна, і будуць накіроўваць такіх людзей ва ўстаноўленыя пункты пропуску.

Пра гэта піша «Европейская правда» cа спасылкай на Reuters.

Такім чынам мігранты, якія прыбываюць у ЗША нелегальна, не атрымаюць аўтаматычнага права на знаходжанне ў краіне.

Раней любы імігрант у ЗША мог падаць заяву на атрыманне прытулку, па-за залежнасці ад таго, якім чынам ён трапіў на тэрыторыю ЗША.