Фотафакт: Аўтобус ХК «Дынама-Мінск» патрапіў у аварыю ў цэнтры сталіцы

• 17.11.2018, 21:51

Кіроўца джыпа схаваў свой нумар.

Аўтобус ХК "Дынама-Мінск" трапіў у аварыю ў цэнтры сталіцы. У аўтобус збоку рэзнуўся джып. Пацярпелых няма.

Як піша nn.by, ДТЗ адбылося на Нямізе, пад мостам з праспекта Пераможцаў. Цікава, што кіроўца джыпа схаваў свой нумар.

"Дынама" цяпер рыхтуецца да выязной серыі з чатырох матчаў. У панядзелак - першая гульня ў Хабараўску з "Амурам". У пятніцу "зубры" саступілі дома "Аўтамабілісту" - 0:4.

Клуб працягвае заставацца на апошнім радку ў Заходняй канферэнцыі, на бал адстаючы ад "Северсталі" і на дзевяць ад зоны плэй-оф.