У Менску ўстанавілі новыя тарыфы на вываз смецця

• 22.01.2018, 11:33

Падаражэнне паслуг ЖКГ прадаўжаецца.

У Менску ўстаноўленыя тарыфы на паслугі вывазу цвёрдых камунальных адкідаў, якія выконваюцца насельніцтву. Адпаведная пастанова Менскага гарадскога выканаўчага камітэта №131 ад 16 лютага гэтага года апублікаваная на Нацыянальным прававым інтэрнэт-партале, паведамляе БелТА.

Устаноўленыя гранічныя максімальныя тарыфы на паслугі вывазу цвёрдых камунальных адкідаў, якія выконваюцца насельніцтву, і субсідуюцца дзяржавай. Так, у жылых дамах, абсталяваных функцыянальнымі смеццеправодамі, тарыф склаў 7,7430 рубля за 1 кубаметр, у дамах, дзе смеццеправод адсутнічае альбо не функцыянуе, - 6,0055 рубля за 1 кубаметр.

Гранічныя максімальныя тарыфы на паслугі вывазу цвёрдых камунальных адкідаў, якія забяспечваюць поўную кампенсацыю эканамічна абгрунтаваных выдаткаў на іх выкананне, таксама складуць 7,7430 і 6,0055 рубля за 1 кубаметр адпаведна ў дамах з смеццеправодам і без яго.