Цыгарэты зноў падаражэлі

• 1.05.2017, 10:26

Некаторыя тыпы цыгарэт падаражэюць у Беларусі з 1 траўня.

Падаражанне закране прадукцыі ААТ "Гродзенская тытунёвая фабрыка "Нёман". Так, на 5 капеек стануць даражэйшымі некаторыя тыпы цыгарэт Pall Mall і цыгарэты Rothmans, паведамляе БелТА.

З прадукцыі ТАА "Тытунь-Інвест" на 3 капейкі стануць даражэйшымі цыгарэты LD і некаторыя тыпы Monte Carlo і Camel. Цыгарэты Camel Compact Activate Yellow падаражэюць на 5 капеек, а Camel Black патаннеюць на 12 капеек (з 1 красавіка гэтыя цыгарэты выраслі ў коошце на 20 капеек).

Паднімуцца кошты Winston Blue & Green. Сярод імпартных цыгарэт на 5 капеек паднімуцца кошты Rothmans Demi Blue і Rothmans Demi Silver.

Беларускія вытворцы і імпарцёры цыгарэт маюць права штомесяц дэклараваць максімальныя раздробныя кошты тытунёвых вырабаў.