У Слуцку праз парыў трубаправода без гарачай вады засталіся 60 дамоў

• 18.02.2017, 13:09

Без вады засталіся таксама дзіцячыя сады і школа.

У Слуцку праз парыў трубаправода гарачага водазабеспячэння без цяпла і гарачай вады засталіся 60 шматкватэрных дамоў, паведамілі БелТА ў Менскай абласной управе МНС.

Паведамленне пра парыў трубаправода цеплатрасы дыяметрам 400 мм у Слуцку па вуліцы 14 Партызан паступіла днём 17 лютага.

Без цеплазабеспячэння і гарачага водазабеспячэння засталіся 60 шматкватэрных жылых дамоў, 2 дзіцячыя дашкольныя ўстановы і сярэдняя школа.

Забеспячэнне спажыўцоў адноўлена сёння ў 2.20.