Улады зэканомяць на «дармаедах» у 2018 годзе

• 18.12.2017, 14:42

У новым бюджэце не знайшлося грошай на павышэнне дапамогі ў беспрацоўі.

Дапамогі ў беспрацоўі не плануюць павышаць у Беларусі ў 2018 годзе, паведамляе БелТА.

«Што тычыцца дапамогі ў беспрацоўі, мы не плануем у 2018 годзе яе падвышэння», - сказала міністр працы і сацыяльнай абароны Ірына Касцевіч, прадстаўляючы ў «парламенце» праект бюджэту дзяржаўнага пазабюджэтнага фонду сацыяльнай абароны насельніцтва на 2018 год.

Нагадаем, што з 1 студзеня 2017 года мінімальная сума дапамогі ў беспрацоўі складае 23 рублі, максімальная 46 рублёў.