Фотафакт: У Нямеччыне старыя «Запарожцы» прадаюць неймавернымі коштамі

• 13.12.2017, 16:13

За 20-гадовыя аўто просяць «круглую» суму ў еўрах.

На нямецкім сайце mobile.de прадаюць стары ЗАЗ-968М з невялікім прабегам. Мяркуючы з апісання, аўтамабіль прастойваў больш за 20 гадоў, і захаваў таварны выгляд. Адометр аўто паказвае 14,5 тысячы. Месцамі на кузаве ЗАЗ бачная іржа. За «Запарожац» просяць 2 750 еўраў, піша autonews.ua.

Паколькі для немцаў гэта сума невялікая, аўто могуць набыць для прыватнай калекцыі.